सन्दिप योगी, काठमाडौं। ज्ञानेश्वर नजीकै पुग्दा एक्कासी पानी पर्यो । मोटर साइकलमा सवार र पैदल यात्रुहरु सबै ओत खोज्दै लाखापाखा लाग्दै थिए तर एक महिला भने रातोपुलको नजिकै सडकको किनारमा आफ्नो काममा ब्यस्त थिइन । उनी मकै पोल्दै थिइन, आगो पानीले निभ्नै आटेको थियो उनले आफ्नो छाता खोलिन र आगोलाई ओढाइन र आफु पानीमा रुझ्दै मकै पोल्दै गइन । त्यहा पानीबाट बच्न ओत लागेका सबैको ध्यान उनैले खिचेकी थिइन । आगोमा उनले पोलिरहेको मकै एकदमै लोभलाग्दो देखिन्थ्यो ।
एकछिनमा पानी आउन बन्द भएपछी त्यहा ओत लागेका मध्य धेरै जसो मकै किन्न गए । उनी मकै बेच्दै पैसा चोलीको गोजी भित्र राख्दै गइरहेकी थिइन । एक्कासी पछाडिबाट आवाज आयो कसलाई नियाल्दै हो सर? पछाडि फकिर्एर हेर्दा एकजना ४५–५० बर्ष जतिको उमेरका एक ब्यक्ति रहेछन । उनी त्यही छेउमा मेडिकल पसल गर्दै आएका रहेछन । त्यसपछि उनले भने यी बुढी आमाको नाम कान्छी मगर्नी हो । यिनी उ त्यो पुल तल बस्छिन, रातोपुलको तल बसेको १५ बर्ष हुन लाग्यो । त्यसपछि कान्छी मगर्नीको ब्यथा बुझ्न मनलाग्यो ।
कान्छी मगर्नी
पानी सिमसिम फेरी पर्दै थियो , कान्छी मगर्नीले पोलेको मकै किन्न म पनि लागे । मकै किन्दै गर्दा मैले उनको नाम सोधे अनी त्यसपछि आफ्नो परिचय दिए । उनी मसंग कुरा गर्न मानिन् र आफ्नो बारेमा सुरु देखी बताउदै गइन् र म पनि मकै खांदै सुन्दै गए ।
उनका सारा कुरा सुनेपछी मलाई उनको बारेमा केही लेख्न मन लाग्यो । आखिर को हुन त कान्छी मगर्नी, कसरी रातोपुलको फोहरको डंगुरमा बस्न पुगिन उनी । यस्ता प्रश्नले मलाई घोचिरहेको थियो । उनको जीवन भोगाई पिडादायी रहेछ ।
ज्ञानेश्वर नजिकैको रातोपुल नजिक बस्छिन कान्छी मगर्नी । रातोपुल यात्रुहरुको लागि मात्र पुल होला तर कान्छी मगर्नीको लागि त्यही पुल बस्नको लागि घर बनेको छ अहिले । ७० बर्षिया कान्छी मगर्नीको जीवन बाँच्नको लागी आधार बनेको छ रातो पुल ।
हो त्यही रातोपुल जहाँबाट प्रधानमन्त्री, राष्ट्रपती बिदेशबाट आउँदा र जाँदा त्यही बाटोको प्रयोग गर्छन ।
कान्छी मगर्नीको जन्म धुलिखेलमा भएको थियो । उनका बाबु आमा सामान्य घरपरीवारका थिए । त्यो जमानामा छोरीको जती छिटो विवाह हुन्थ्यो त्यती सामाजिक प्रतिष्ठा बढ्न जान्थ्यो रे । तर २० बर्षसम्म पनि कान्छी मगर्नीलाई विबाह गर्नको लागी कोही पनि माग्न नआएपछी कान्छी मगर्नी २० बर्षको हुँदा सम्म बिहे नगरेर बसीन रे । तर २१ बर्षको उमेर पुग्दा भने कान्छी मगर्नीको विवाह भयो ।
विवाह पछि १ छोरा १ छोरी भए तर श्रीमानले रक्सी खाएर दु:ख दिन थाले उनलाई । जसोतसो गरेर उनले छोरोलाई पढाईन र छोरीलाई हुर्काइन । श्रीमानले जाँड रक्सी खान र जुवातास खेल्न भएका सबै सम्पत्ती बेचेर सिद्दाए । कान्छी मगर्नीको दु:खका दिनहरु सुरु भए श्रीमान विवाह गरेको १० बर्ष पछी मरेर गए । छोरा छोरीलाई जसो तसो पढाईन छोरीको विवाह गरिन ।
तर दैबको लीला छोराको २५ बर्षको उमेरमा नसाको रोग लागेर मृत्यु भयो । छोरो त मरेर गयो त्यहि माथि बिहे गरेर गएकी छोरीको मानसिक सन्तुलन हरायो । त्यस पछी उनकी छोरीलाई श्रीमानले नातिनी सहित घरबाट निकाले ।
त्यसबेलासम्म कान्छीका सबै सम्पत्ती सिद्दीसकेका थिए, अब नातिनी र मानसिक सन्तुलन गुमेकी छोरीलाई कहाँ लैजाउँ? के गरौ? भन्ने भयो । कान्छीलाई आत्महत्या गर्ने मन पनि लाग्यो रे तर छोरी र सानी नातिनीलाई कसले हेर्ला भनेर उनले त्यो बिचार त्यागिन र करीब १ महिना सडकमा सुतेर बिताइन ।
उनी दिनभरी फोहर बटुलेर बेच्ने गथिर्न अनी राती सडकमा सुत्ने गर्थिन । त्यही बेला उनी रातोपुलमा फोहर बटुल्न आएको बेला त्यहाँ ४ वटा फालेका टिनका पाता भेटिन र त्यही पाता देखेपछी उनलाई बाँच्न सक्ने आसा जाग्यो । त्यस पछी उनले आँफै टिनलाई बेरेर बस्न मिल्ने बनाइन । अहिले त्यही रातोपुल उनको घर बनेको छ । अहिले आफ्नो र आफ्नी छोरीको पेट पाल्न उनी मकै बेच्ने काम गर्छिन । धोबीखोलाले बगाएर ल्याएका काठहरु खोजेर सुकाउने उनको दिनचर्या नै भएको छ ।
दिउँसो भरी काठहरु सुकाइसके पछी उनी साँझ त्यही रातोपुलको छेउमा रहेको सडकमा बसेर मकै पोल्ने गर्छिन । कान्छीलाई दाउरा नपाउनाले भने साह्रै चिन्तित बनाएको छ । उनी भन्छिन,“पहिला पहिला धोबीखोलामा दाउरा काठहरु बगेर आउथ्यो तर अहिले गन्हाउने पानी मात्र बग्ने गर्छ।“
कान्छीका अनुसार पहिले उनकी छोरी ठीक हुँदा सम्म घरपरिवारले घरमै राखेर पढाएका थिए रे तर जब उनकी छोरी बिरामी भईन तब उनका ज्वाँइले छोरीलाई र नातिनी दुबैलाई घरबाट निकाले रे । त्यसपछी नातिनिलाई आँफैसँग राखिन कान्छीले तर छोरी धेरै बिरामी हुन लागेपछी भने उनको दु:ख देख्न नसकेर मैतिदेवीकै कुनै असल मानिसले नातिनिलाई संस्थामा राखिदिएका छन् । अहिले कान्छीलाई नातिनीको कुनै चिन्ता छैन तर छोरीको चिन्ताले उनलाई धेरै सताउँछ । आफु मरेर गएपछी छोरीलाई कसले हेरिदिने हो कसले खाना खुवाइदेला भन्ने चिन्ताले कान्छीलाई रात भरी निद्रा लाग्दैन् ।
कान्छी मगर्नीको अर्को एउटा ठुलो इच्छा छ, भन्छिन,“म मर्न भन्दा पहिला गगन थापालाई भेट्न चाहन्छु“। कान्छीले आफ्नो चोलिको छेउमा रहेको गोजीभित्र एकदमै जतनका साथ राखेको एउटा सानो कागजको टुक्रा निकालेर देखाइन । त्यहा गगन थापा सभासद ज्यु भनेर लेखिएको छ ।
कान्छीका अनुसार उनी ज्ञानेश्वर वडा कार्यालय भुकम्प पछी गईन रे । उनको घर नभएकोले उनले केहीपनी राहात पाईनन् तर त्यहाँका हाकिमहरुलाई मलाई कसले सहयोग गर्न सक्छ भनेर सोधिछन । वडा कार्यालयका कर्मचारीले उत्तर दिए छन् तिमीलाई तिम्रो छिमेकी नेपाली कांग्रेसका सभासद गगन थापाले सहयोग गर्न सक्छन ।
उनको बुझाईमा गगन थापा सहृदयी र सहयोगी भावका नेता हुन र थापाले उनलाई सहयोग गर्न सक्छन् भन्ने विश्वास रहेको छ। वडा कार्यलयबाट पाएको गगन थापाको नाम लेखिएको कागजको टुक्राले उनलाई गगन थापालाई भेटाउन मदत गर्नेछ भन्ने विश्वास झल्किन्छ।
त्यस दिन देखी कान्छी आज सम्म रातोपुलबाट आउने जाने गाडीहरु हेर्छिन कतै मलाई सहयोग गर्न सक्ने मन्छे यही गाडीमा त छैनन् भनेर । साँझ परिसकेको थियो, कान्छीसँग बिदाबारी लिएर फर्कन लाग्दा उनले मलाई भनिन,“बाबु मलाई गगन थापाको फोटो ल्याइदिनु“। उनले अहिलेसम्म गगन थापा कस्ता देखिन्छन् भन्ने थाहा पाएकी छैनन्। उनले फोटो पाएमा चिनेर आफ्नो समस्या राख्ने योजना रहेको पनि सुनाईन्।
आज विश्व २१ औ सदिमा हिँडिरहेको छ। चन्द्रमामा पनि मानिस पुगेको दशकौँ भइसक्यो । नेपाल पनि प्रगतिपथमा लम्कदै छ तर कान्छी जस्ताको जीवन अझै अध्यारोमै रुमल्लीरहेको छ ।source:hamrakura.com

कोहि मानिसले पैसानै सबै थोक हो भन्छन । पैसा बाहेक तिनीहरुले केहि पनि देख्दैनन । यस्तै एउटा यस्तो मानिसले थिए । जसलाई पैसाको एकदम लोब थियो । पैसा बाहेक उनले कसैलाई माया गर्दैन थिए । एकदिन उसले आफ्नो पत्नीलाई एउटा कसम खान भने । ती मानिसले भने म मरे पछी मैले कमाएको सबै पैसा म संगै पुरिदेउ । र उनकी पत्नीले यो कुरा स्विकारिन र कसम खाइन । समय बित्दै गयो र अचानक ती मानिसको सास रोकियो ।

उनको लास पुरनको लागि ठुलो खाल्टो खनियो । उनलाई मानिसहरुले बक्समा हाले बक्सा बन्द गर्नु लाग्दा उनको पत्नीले रोक्नुस भनिन । हातमा एउटा सानो बक्सा दिदै भनिन यो बक्सा पनि उहा संगै पुरिदिनुस भनेर ती मानिसहरुले त्यो लास भाको बक्सा भित्र पैसाको सानो बक्सा पनि राखीदिए । यसरी ती मानिसलाई पुरियो । उनको एक करीबी साथीले भनिन : मलाई लाग्थ्यो तिमि पागल छैनौ मरिसकेको बुडो मानिससंगै आफ्नो सबै पैसा पुर्दीन छौ भनेर । उनले भनिन हो मैले उहालाई कसम दिएको थिए उहा मरेपछि सबै पैसा उहा संगै पुरी दिन्छु भनेर। म कसम तोडदिन किनकि म एउटा असल क्रिश्चेन हु । तिमिले साचैको सबै पैसा त्यहाँ पुरिदीयौ ? “उनको साथीले सोदीन” ।उनले भनिन हो महिले सबै पैसा जम्मा गरि आफ्नो ब्यांकमा हाले अनि चेक काटेर उनि संग पुरिदिए । स्रोत : मेटा इस्पुन

आखिर जागिर खानेहरुका लागि यस्ता अनौठा तथा कठीन शर्तहरु चीनमै हुन्छन् की क्या हो ? चीनको ग्वांगडोङ प्रान्तको जेेंगझु प्रान्तमा आयोजित जागिर मेलामा एउटा कम्पनीले व्यापार कार्यकारी जागिर खान चाहने उमेद्वारका लागि निकै खतरनाक अन्तरवार्ता लिएको छ ।
यो अनौठो अन्तरवार्ताको पहिलो चरण साँच्चीकै प्राणघातक नै लाग्थ्यो । कम्पनीको नियम अनुसार जागिरका लागि अन्तरवार्ता दिन आएका महिला उमेद्धारहरु सुन्दर तथा बुद्धिमान हुनुका साथै गोहीसँग चुम्बन गर्नसक्ने पनि हुनुपथ्र्यो । कम्पनीका अधिकारीहरुका अनुसार हुनेवाला कार्यकारीद्वारा आफ्नो हाकिमप्रति बहादुरी देखाउन सक्छ की सक्दैन भन्ने कुरा जाँच गर्नका लागि त्यस्तो परीक्षा लिइएको हो ।
बिक्रि कार्यकारीको जागिरका लागि अन्तरवार्ता दिन आएका युवतीहरुलाई गोहीसँग चुम्बन गराउने उक्त कम्पनीले वास्तवमा गोहीबाटै बनेका हेल्थ केयर प्रडक्टहरु बेच्ने गर्छ । कम्पनीले आफ्नो कम्पनीको ब्राण्डिङका लागि यस्तो अनौठो परीक्षाको आयोजना गरेको बताइएको छ ।
candidate kiss 2
कम्पनीले ९ जना बिक्रि कार्यकारीका लागि विज्ञापन गरेको थियो । कम्पनीले नौ जना नै महिला उमेद्वार खोजेको थियो ।
यो परीक्षामा उत्तीर्ण भएर कम्पनीमा जागिर खानु आफैमा खतरनाक र अनौठो त थियो नै उत्तिकै लोभलाग्दो पनि थियो । गोहीलाई चुम्बन गर्ने चरण उत्तीर्ण गरेर दोश्रो चरणको अन्तरवार्तामा सामेल हुने उमेद्वारलाई ठाउँ का ठाउँ १ हजार युआन पुरस्कार दिने घोषणा पनि कम्पनीले गरेको थियो ।
जाबो जागिर र पुरस्कारका लागि खतरनाक गोहीलाई कसले चुम्बन गर्ला ? चुम्बन गर्न नजिक जानासाथ गोहीले आफ्ना कडा दाह्रा गाडेर स्वात्तै निलिहाल्यो भने के गर्ने ? तर सहभागीहरुले त्यसको चिन्ता लिनुपर्ने कारण थिएन । किनकी गोहीको मुख बाँधिएकेा थियो ।source:onlinekhabar

विश्वमा कुन देशका महिलाले बढि बच्चा जन्माउँछन् होला ? अर्थात् विश्वमा कुन देशमा महिलाको प्रजनन दर बढि होला ? अफ्रिकी तथा एसियाली मुलुकका महिलाहरु बच्चा जन्माउने मामिलामा विश्वका अन्य देशका महिला भन्दा अग्रस्थानमा छन् भन्ने कुराको अड्कल काट्न गाह्रो छैन ।

तर तथ्यांकले बच्चा पाउने मामिलामा सुरुका ८ स्थान अफ्रिकी देशहरुले नै कब्जा गरेको देखाएको छ । ठ्याक्कै देशको नाम लिँदा चाहीँ अफ्रिकी मुलुक नाइजर पहिलो स्थानमा रहेको छ ।तथ्यांक अनुसार नाइजरका महिलालाले औषतमा झण्डै ७ वटा बच्चा जन्माउँछन् । तथ्यांकले नाइजरका महिलाको प्रजननदर ६.८ प्रतिशत रहेको देखाएको छ ।

धेरै बच्चा जन्माउने मामिलामा अर्को अफ्रिकी मुलुक मालीका महिला दोश्रो स्थानमा रहेका छन् । मालीका महिलाले औषतमा ६ बच्चा जन्माउने गरेका छन् । तेश्रोमा बुरुन्डी, चौथोमा सोमालिया, पाँचौमा युगान्डा, छैटोँमा बुर्किना फासो, सातौँमा जाम्बिया तथा आठौँमा मलावी रहेका छन् । नवौँ स्थानमा दक्षिण एसियाली मुलुक अफगानिस्तान रहेको छ । अफगानी महिलाहरुको प्रजननदर ५.४३ रहेको छ ।

प्रजनन दर सबैभन्दा उच्च रहेको नाइजरका महिलाहरुले निकै कम उमेरमै विवाह गर्ने र बच्चा जन्माउने गरेका छन् । तथ्यांक अनुसार त्यहाँका ७४ प्रतिशत महिलाहरुले १८ वर्षभन्दा कम उमेरमै विवाह गर्छन् । धेरै चेलीहरुको विवाह जबरजस्ती गराइन्छ र महिला प्रताडित हुने खाले विभिन्न परम्परागत मान्यता र प्रथा विद्यमान छन् ।source nepali-khabarsite

भारतीय राजधानी नयाँ दिल्लीमा अनौठो घटना भएको छ । त्यहाँ चलिरहेको विषालु जीव समात्ने अभियानकै क्रममा एटीएममा कोब्रा सर्प फेला परेको हो ।
एक एटीएम प्रयोगकर्ताले कोब्रा एटिएममा रहेको जानकारी गराएपछि विशेषज्ञको टोली त्यहाँ पुगेको थियो ।
cobra at atm
द टाइम्स अफ इण्डियाका अनुसार वन विभागका कर्मचारीहरु एटीएम बूथमा रहेको सर्प समात्न तत्काल त्यहाँ पुगेका थिए । एक महिना अघि मात्र दिल्लीमै एक दम्पतिले आफ्नो फ्ल्याटमा कोब्रा आएको जानकारी दिएपछि यस्तै भागदौड भएको थियो ।
cobra at atm 1
कर्मचारीहरुले १२ फुट लामो अजिङ्गर समातेका थिए । पछिल्लो समयमा दिल्लीमा यस्ता सर्प भेटिने घटना बढेका छन् ।source taja khabar

अंगहरुको बनावट, आकार, रंगबाट मानिसको रहस्य पत्ता लाग्ने र भविष्यको बारेमा जानकारी हासिल गर्न सकिने तरिका सामुद्रिक शास्त्रमा उल्लेख छ।जोसुकै मानिसहरुको खुट्टाको औलाहरुको बनोट हेरेर सहजै व्यवहार, विचार र कार्यक्षेत्रका बारेमा बताउने सकिन्छ।

हावी हुने मानिस: जो मानिसको खुट्टाका औंलाहरु घट्दो क्रममा हुन्छन् यी मानिसहरु अन्य माथि हावी हुन चाहन्छन् । यस्ता मानिसहरु आफ्ना अधिकारका बारेमा सजक हुन्छन्। यी मानिसहरु चाहन्छन कि उनीहरुलाइ मान सम्मान प्राप्त होस र सवैले उनीहरुको कुरा अक्षरस पालन गरुन । यदी घर परिवारमा वा समाजका कोही मानिसहरु उनीहरुको इच्छा अनुसार नचले रिसाउने गर्दछन्। यस्ता किसिमका खुट्टाका औला भएका मानिसहरु आफ्ना जीवनसाथीमाथि आवश्यक्ता भन्दा बढि हावी रहन्छन्।

कडा परिश्रम गर्छन: जो मानिसको खुट्टका औलामा बुढी औला सहित अन्य दुइ औला बराबार र बाँकी औला साना हुन्छन, ती मानिसहरु कठिन परिश्रम गर्ने खालका हुन्छन्। यस्ता मानिसहरु आफ्नो श्रमको बलमा सफलता हासिल गर्दछन्। श्रमकै बलमा उनीहरुलाई मान सम्मान प्राप्त हुन्छ यस्ता खुट्टाका औला भएकाहरु अरु मानिसले गरेका कामको समेत प्रशंसा गर्ने गर्दछन। उनीहरुलाई कर्मशील मानिस विशेष मन पर्दछ यस्ता औला भएकाहरु घरपरिवारमा पनि आफ्नो जिम्मेवारी राम्रो तरिकाले निर्वाह गर्दछन।

अदभुत ढंगबाट गर्छन काम: जो मानिसको खुट्टाको औलामा दोस्रो औला लामो र अन्य छोटा हुन्छन्, ती मानिसहरु फरक र अदभुत तरिकाबाट काम गर्दछ । यी मानिसका योजनाहरु र कार्यशैली अलग र श्रेष्ठ हुन्छन्। योजानाकै बलमा उनीहरुलाई विशे्ष स्थान प्राप्त हुन्छ। घरपरिवारमा यस्ता मानिसलाई विशेष सुख सुविधा प्राप्त हुन्छ।

शान्तिप्रिय हुन्छन यस्ता मानिस: जो मानिसहरुको बुढि औला लामो र अन्य औला समान लम्बाईका हुन्छन, त्यस्ता मानिस शान्तिप्रिय हुन्छन। यस्तो प्रकृतीको खुट्टा भएका मानिसहरु तनावमा नआईकन काम गर्न रुचाउँछन्। यी मानिसहर कहिल्यै पनि आवेशमा आउँदैनन् । विरोधीहरुसंग पनि उनीहरु शान्तिबाटे बिजय प्राप्त गर्दछन्। शान्तिप्रियसगै केही मानिसहरु अल्छी पनि हुन्छन र ढिलासुस्ती गर्ने किसिमका हुन्छन्।

उर्जावान हुन्छन यस्ता मानिस: जो मानिसको खुट्टाको औला मध्य दोस्रो औला ठुलो र अरु सानो हुँदै जान्छन् र अन्त्यका दुइ औला करिब बराबार हुन्छन, ती मानिस उर्जावान हुन्छन्। सामान्यतया यस्ता मानिसहरु जोशिला हुन्छन , जुनसुकै पनि जोश र उर्जाका साथ गर्दछन् । यिनीहरु खुलेर रमाइलो गर्न चाहन्छन्। यी मानिसहरु पुर्णरुपमा जीवनको आनन्द लिन्छन् सधै खुसी रहन्छन् र अरुलाई खुसी राख्न प्रयत्न गर्दछन्। 

लामै खडेरी पर्‍यो भने नेपालमा पूजापाठ गरेर तथा बोका बलि दिएर पानीका लागि भगवान् पुकार्ने चलन छ । तर, मेक्सिकोमा भने पानी पार्नका लागि भन्दै महिलालाई खेतमा उतारेर रक्ताम्य हुने गरी एक–आपसमा लडाउने प्रचलन छ ।
मेक्सिकोको गुरेरो क्षेत्रमा पानी पार्नका लागि महिलालाई लडाइँमा उतार्ने र उनीहरूको शरीरबाट निस्किएको रगत जम्मा गरी खेतमा पोख्ने अनौठो तरिका अपनाइन्छ । हरेक वर्ष महिलालाई एक–आपसमा लडाएर टाउको र नाक फुटाफुट गराइन्छ । उपस्थितहरू लडाइँमा रमाउँछन् । महिलाको शरीरबाट निस्किएको रगत जम्मा गरी खेतभर पोख्ने गरिन्छ । गुरेरोमा यो अनौठो तरिका एक पर्वकै रूपमा विकास भएको छ । यो पर्वका दिन लडाइँमा उत्रिने गुरेरोका महिला बिहानै उठ्छन् । अन्य दिनको भन्दा अधिक मात्रामा खाना खान्छन् । कुखुराको मासु, भात, उसिनेको अन्डालगायतका परिकार त्यस दिनको खानामा तयार पारिएको हुन्छ । महिलालाई स्वागत गर्दै लडाइँ गरिने मैदान फूलले सजाइएको हुन्छ । उपस्थितहरूले वर्षाका लागि भगवान्को प्रार्थना गर्छन् । र, महिलाहरूबीच लडाइँ सुरु हुन्छ । महिलाहरूको लडाइँ हेर्न मैदानमा ठूलो भीडको घेरा लागेको हुन्छ । बढी उमेरका महिलाहरू नौजवान युवतीहरूलाई लडाइँमा हौस्याइरहेका हुन्छन् । source:nayapatrica

त्यस्तै कर्कट राशी हुने मानिसहरु इमान्दार, जिम्मेवार र कर्तब्यनिष्ठ पनि हुने ज्योतिष शास्त्रले दाबी गरेको छ ।
कर्कट राशी हुनेहरुको जीवनमा विवाहको कुरा चल्दा आफ्ना आमाबाबुले हस्तक्षेप गर्छन् जुन कुरा उनीहरुलाई भने मन पर्दैन् । तर विवाह भएपछि निकै नै सुखी हुन्छन् । कर्कट राशीको मानिसको भाग्योदय विवाहपछि नै हुन्छ ।
विवाह पछि भाग्य र परिवर्तन
यस राशीको मानिसको जीवनमा विवाहले ठूलो परिवर्तन ल्याउँछ । यो राशी हुनेहरुको भाग्य विवाहपछि खुल्नेछ । विवाह गरेपछि यीनीहरुले जुन काममा हात हालेपछि सफल हुनेछ । कर्कट राशी हुने मानिसहरुले आफूले गरेको निर्णय परिवर्तन गरिरहने बानी हुन्छ । यो राशीका मानिसहरुएकदमै परिश्रमी र इमान्दार हुन्छन् । 

गुगलले सडकमा राखेका क्यामेराले खिचेको तस्विरले गर्दा निक्कै अप्ठेरो पर्यो यो घरको धनीलाई। घरको वास्तविक मूल्य भन्दा पनि कममा बेच्न राख्दा पनि घर किन्न कोही आएनन्। १८८० मा बनेको यो घरलाइ सन् २०१० देखि बेच्न राखिएको भए पनि अहिलेसम्म कोही आएका छैनन् घर किन्न।

Queen Anne home -Ghost House (1)
गुगलको सडकमा राखेको क्यामेराले खिचेका यी तस्बिरमा घरको झ्यालमा हातका शंकास्पद तस्बिरहरु देखिन्छ। यो घरको पहिलेका घरबेटीले पनि शंकास्पद तरिकारले घर किनेपछि घर छोडेका थिए।



पाँच बेडरुम सहितको यो घर १०५,००० डलरमा बेच्न राखिएको छ। न्युयोर्कमा अवस्थित यो घरमा भुत छ भन्ने हल्लाले यो घर बिकेको छैन। त्यसैमाथी गुगलले खिचेका यी तस्बिरको कारणले जो कोही यो घर किन्ने आँट गर्न सकेका छैनन।











Queen Anne home -Ghost House (2)

काठमाडौं । यौनका विषयमा विभिन्न अनुसन्धान हुने गरेका छन् । भर्खरै मात्र गरिएको अनुसन्धान पुरुष र महिलाको सम्बन्धका बारेमा गरिएको छ । जसमा पुरुषले महिलाका सबैभन्दा बढी मन पराउने अंग पत्ता लगाइएको छ ।

हाल गरिएको अध्ययन अनुसार पुरुषहरु महिलाको पुठ्ठालाई सबैभन्दा बढी मन पराउछन् । पुठ्ठा पनि कस्तो हेर्न मन लाग्छ भनेर टर्कीको बिल्केन्ट युनिभर्सिटीका शोधकर्ताहरुले ३ सय पुरुषमा गरेको सर्वेक्षणमा पुठ्ठाको गोलाई ४५ डिग्री भएका महिला आकर्षक लाग्ने गरेको कुरा पत्ता लागेको हो ।

किम कार्दशियनले अप्राकृतिक रुपमा पुठ्ठा ठुलो बनाएर महिला ग्ल्यामर्समा नयाँ ट्रेन्ड चलाएपछि महिलाहरुको ध्यान पनि आफ्नो पुठ्ठालाई आकर्षक बनाउनेतर्फ केन्द्रित हुन थालेको छ भने पुरुषहरुको दृष्टिकोणमा पनि परिवर्तन आएको छ ।

उक्त सर्वेक्षणमा सामेल पुरुषहरुले महिलाको पुठ्ठाभन्दा माथिको मेरुदण्ड केही भित्र पसेको अवस्थामा पुठ्ठा अझ आकर्षक हुने कुरा बताएका थिए ।

संसारका अधिकांश पुरुषहरु महिलाको पुठ्ठासँगै स्तनलाई पनि मन पराउछन् । एजेन्सी

वैदेशिक रोजगारमा मलेसिया गएका भरत पोखरीका एक पुरुषले पैसा हैन त्यतै बिहे गररे अर्की श्रीमती पठाएका छन्। पैसा कमाउन मलेसिया गएका कास्की भरतपोखरीका दिपक सुनारले पैसा होइन अर्की बिहे गरेर पठाएपछि उनकी जेठी श्रीमती विष्णु सुनार छाँगाबाट खसे जस्तै भइन्।
‘जानुअघि नआत्तिनु आमा र छोरा छोरीको राम्रो ध्यान दिनु, म पैसा पठाइराख्छु भनेर गतवर्ष मलेसिया गएका श्रीमानले १ वर्षपछि सौता पठाए ‘विष्णुले गहभरी आँशु पार्दै भनिन्। ७ वर्षदेखि वैदेशिक रोजगारमा रहेका दिपक गतवर्ष बाबु बितेकाले काजक्रिया गर्न घर आएका थिए।
दिपकले कम्पनीमा आफूसँगै काम गर्ने बर्माकी कुमारी काफ्लेलाई विहे गरेको उनले बताइन्। बिष्णुका अनुसार काफ्ले गर्भवती भएपछि श्रीमानले नेपाल पठाएका हुन्। विष्णु र दिपकका १० वर्षका छोरा र ७ वर्षकी छोरी छन्।
‘उहाँले मलेसियाबाट फोन गरेर उसलाई एयरपोर्टमै लिन जाउ भन्नुभएको थियो, तर, म लिन जान्न जहाँसुकै पठाउ भनेपछि आमाजु कुमारीलाई लिन जानुभएछ’ विष्णुले भनिन्।
आमाजूले कुमारीलाई आफ्नो घर हेम्जामा १५ दिन राखेपछि विष्णुको घर भरतपोखरी पुर्‍याइदिएकी थिइन्। ‘भाइले विहे गरेकी यी पनि बुहारीनै हुन् अब मिलेर बस भन्दै अमाजुले तीनलाई घरै छोडेर जानुभयो’ विष्णुले भनिन्। दिपकले कुमारीलाई राम्रोसँग घरमै राख्नु भन्दै विष्णुलाई फोन समेत गरेका थिए। आफू एक वर्षपछि आउने भन्दै कुमारीको स्वास्थ्यमा ध्यान दिनु भनेको दिपककी जेठी श्रीमती बिष्णुले बताइन्।
२ महिनाकी गर्भवती रहेकी कुमारीको नेपाल आएको २ हप्तापछि गर्भ खेर गएको विष्णुको भनाई छ। ‘खै किन र कसरी गयो थाहा भएन। तर श्रीमानले कुमारीलाई फोन गरेर तैँले फालिस् होला’ भनेर गाली गरेको सुनेको विष्णुले बताइन्।
दिपकले आफूलाई विहे गरेको छैन भनेर ढाँटेको भन्दै कुमारी बेला बेला झगडा गर्ने गरेको विष्णु बताउँछिन्। २०६१ सालमा दिपकसँग विवाह गरेकी विष्णुको घरमा आर्थिक अवस्था कमजोर छ। बिष्णुका अनुसार उनले पैसा पनि आफूलाई नपठाइ दिदीलाई पठाउने गर्छन्। अर्की विहे गर्दापनि परिवारले दिपकको साथ दिँदै आएको गुनासो बिष्णुको छ।
आर्थिकरुपमा आफू कमजोर भएकाले छोरा छोरीको भविष्य हेरेर श्रीमानकोविरुद्ध जान नसकेको उनले बताइन्। ‘उहाँ नआएसम्म म केहि गर्न सक्दिन, कुमारी घरमै बसे पनि म केहि भन्दिन किनकी दोष मेरै श्रीमानको हो। विहे गरेको छैन भनेर उसलाई पनि ढाट्नुभो र गर्भवती बनाएर घर पठाउनु भो’ बिष्णु भन्छिन्।
‘म कुमारी विना बाँच्न सक्दिन तर तँ मरे पनि बाँचे पनि मलाई मतलव छैन भनेर श्रीमानले पटक पटक भनेको बिष्णुले सुनाइन्।’ छोराछोरी कै लागि उहाँको यातना सहनुको विकल्प छैन। श्रीमान आएपछि नै बाँकी निर्णय गर्ने योजना बिष्णुले बनाएकी छिन् ।
-महिला खबरबाट

केटीहरुलाई बचपन देखि नै मान मर्यादा र इज्जतको बारेमा धेरै कुरा सिकाइन्छ । केटीहरुलाई सँधै घरको इज्जत तेरै हातमा छ । केटी जस्तो हुनु पर्छ इत्यादी कुरा भन्ने गरिन्छ । तर जमाना बदलिएको छ । त्यसरी नै बानी ब्यवहार पनि । केटीहरु आजकल बदलिएका छन् । उनीहरु आफ्नो निर्णय आफै गर्न सक्ने भएका छन् । तर पनि अधिकाँश सम्बन्धमा धोका दिएकोरुपमा महिलालाई नै प्रस्तुत गरिन्छन् । महिलाहरुले किन दिन्छन् त धोका ?

एक जर्नलले गरेको अध्यनमा यस्तो देखियोः

१ ध्यान नदिनु
कुनै पनि सम्बन्धमा आपसी प्रेम र हेरचाह महत्वपूर्ण हुन्छ । यस्ता कुरामा ध्यान दिन छोडेपछि सम्बन्ध धरापमा पर्छ । महिलाहरु बढी भावुक हुने हुँदा यसको असर उनीहरुमा छिटो पर्छ । घरमा निरन्तर प्रेम र हेरचाहको अनुभव भएन भने महिलाले विवाहइत्तरमा सम्बन्धमा जान्छन् ।

२ बदलाको भावना

सम्बन्धमा धोका पाएको अनुभव भयो भने त्यसलाई भुल्न गाह्रो हुन्छ । खासगरी पार्टनरलाई दुःख लाग्ने गरी गरिएका यस्ता गल्तीले भावना समेत जगाउँछन् । पुरुषले आफूलाई धोका दिएको छ भन्ने लागिरहेको छ भने महिलाहरु बदला चुकाउनका लागि पनि अन्य पुरुषसँग सम्बन्ध राख्न पुग्छन् ।

३ आपसी सम्बन्ध राम्रो नहुनु
आपसी सम्बन्ध राम्रो भएन भने पनि महिलाहरुले फरक सम्बन्ध खोजी गर्छन् । महिलाले आफ्नो पुरुषले केवल यौनिक सम्बन्धमा मात्र ध्यान दिन्छ भन्ने लाग्यो भने प्रेमको पार्टनर खोज्छन् । पुरुषहरु आफू आफिसमा थाकेको वा तनावमा रहेको भन्दै यस्ता कुरामा ध्यान दिँदैनन तर महिलाहरुलाई यस्ता कुराको ठूलो महत्व हुन्छ ।

४ आकर्षक नहुनु

विवाह गरेको शुरु शुरुमा पुरुषहरुले आफ्ना र पत्निका हरेक कुरामा ध्यान दिन्छन् । तर विस्तारै यो कुरा हराउँदै जान्छ । महिलामा भने उनीहरुलाई आकर्षक हुनु पर्छ भन्ने चेत रहेको हुन्छ । उनीहरुलाई आफू सुन्दरी नभएकोमा पिर पनि हुन्छ । महिलाहरुलाई आफ्नो पार्टनरले सुन्दर भनोस् र प्रसंसा गरोस भन्ने चाहाना हुन्छ तर पुरुषहरु यस्ता कुरामा ध्यान दिँदैनन् । यसकै कारण महिलाहरु अन्य सम्बन्ध तिर मोडिन्छन् ।

५ आर्थिकरुपमा परनिर्भर

यदि कुनै पनि महिला पति वा प्रेमीसँग आर्थिकरुपमा निर्भर छिन भने उनले चाहेको कुरा गर्न सक्दिनन् । उनलाई सँधै आर्थिक जीवनको पिरले सताइरहन्छ । यसै कारणले कहिले काँहि महिलाहरु परपुरुषसँगको सम्बन्धमा पुग्छन् ।

६ असुरक्षा
भावनात्मकरुपमा वा शारीरिकरुपमा असुरक्षा महसुस गर्ने महिलाले कुनै पनि सम्बन्धलाई नाजायज मान्दैनन् । उनीहरुलाई मानसिक र शारीरिक सपोर्ट भयो भन उनीहरु सम्बन्ध राख्न चाहन्छन् चाहे त्यो परपुरुष नै किन नहोस् । असुरक्षित महसुस गरेका महिलाले सम्बन्धमा धोका पनि सहजै दिन्छन् ।

७ श्रेय नदिने

कुनै पनि पुरुषले आफ्नी स्त्रीलाई प्रशंसा पनि चाहिन्छ भन्ने सोंच्दैनन् । उनीहरु जति नै सिंगार पटार गरे वा राम्रो काम गर्दा समेत प्रशंसा दिनु पर्छ भन्ने हेक्का अधिकाँश पुरुषलाई हुँदैन । जसका कारण महिलाहरु प्रंशसा गर्ने पुरुषसँग नजिकिन्छन् । आफ्नी स्त्रीलाई प्रशंसा गर्न नभुल्नुस् ।

८ दिक्क लाग्ने सम्बन्ध
पुरुष अफिसबाट आउँछन् उनीहरुलाई चासो हुन्छ के खानेकुरा तयार छ ।अफिसमा हाकिमसँग झोंक चलेको विषयमा पनि उनीहरुलाई दिक्क लागिरहेको हुन्छ । उनीहरुले त्यही टेन्सन घरमा पनि देखाउँछन् जसका कारण महिलालाई भने विरक्त लाग्छ । अनि उनलाई पनि चाहिन्छ अलि फ्रेस गराउने साथी ।

काठमाण्डु– के तपाईको श्रीमती माईत जानुभएको छ । यात त तपाई श्रीमान् छाडेर माईत जाँदै हुनुहुन्छ । श्रीमती माईत गएकाबेला तपाई के गर्नुहुन्छ ? कतै तपाईकी श्रीमती माईत गएकाबेला तपाईले गरेको गलत कामले तपाईहरुको सम्बन्ध बिग्रेको त छैन । यदी त्यसो हो भने ख्याल गर्नुस् है । तपाईको वैवाहीक सम्बन्धले तपाईको जीवनमा धेरै अर्थ राखेको हुन्छ । त्यसैले श्रीमती माईत गएकाबेला तपाईले आफ्नो सम्बन्ध सुमधुर बनाईराख्नका लागि के नगर्ने त ? यही विषयमा आज हामी तपाईलाई केही कुरा भन्दै छौँ । यसले तपाईको जीवनमा सकारात्मक प्रभाव पार्नेछ भन्ने आशा छ ।

१. पर–स्त्रीसँग नलाग्नेः यदी तपाईको श्रीमती माइत जानुभएको छ भने तपाई पर–स्त्रीसँग नलाग्नुहोस् । यसले तपाईको सम्बन्धमा नकारात्मक असर पार्न सक्छ । यसरी तपाई पर–स्त्रीसँग लाग्दा तपाईको त्यतैप्रति ध्यान जानसक्छ । अनि तपाईकी श्रीमती माईतबाट आएपछि पनि तपाईलाई श्रीमतीप्रति पहिलेकोभन्दा कम आकर्षण हुनसक्छ । त्यसैले यसतर्फ तपाईको ध्यान जानु आवश्यक छ ।

२. ढीला घर नआउनेः श्रीमती नभएको मौका यही हो भनि तपाई ढीला घर नआउनुहोस् । यदी घरमा परिवार हुनुहुनछ भने पहिलेभन्दा छिटै घर आउनुहोस् । उनीहरुलाई हेरचाह र सहयोग गर्नुहोस् । कोही छैन भने पनि यताउता बरालिएर नहिड्नुहोस् । जुनपछि तपाईको बानि बन्न सक्छ । आज त श्रीमती छैन किन घर जानु या जतिबेला गएपनि भयो, भन्ने नसोच्नुहोस् । यदी तपाईलाई यस्तो बानि बस्यो भने त्यसलेपछि पनि नकारात्मक असर पार्न सक्छ ।

३. अरुसँग धेरै समय नबिताउनेः तपाईलाई एक्लो महसुश हुन सक्छ त्यस बखत । तर, एक्लै भए भन्दैमा बाहिर गएर साथीभाई सँग समय धेरै नबिताउँदा नै राम्रो हुन्छ । एक्लो महसुश भए टी.भि. हेर्ने, कुनै किताब पढ्ने, गेम खेल्ने, पुराना फोटाहरु हेर्ने जस्ता कुराहरु गर्नु पर्छ । यसो गर्दा श्रीमती आएपछि तपाईको माया छन् बढेर जान्छ र एक्लोपनि हटेको महसुश हुन्छ । श्रीमतीलाई पनि तिमी नभएकाबेला साथीसँग रमाइलो गरे भन्दा यसरी दिनहरु बिताएभन्दा खुसी लाग्नेछ ।

४. श्रीमतीलाई सम्पर्क गर्नेः श्रीमती माईत गएकाबेला उहाँ घरपरिवारका सदस्यसँग व्यस्त हुन सक्नुहुन्छ । उहाँसँग तपाईलाई फोन गर्ने समय पनि नमिलन सक्छ सबैका अगाडी तर तपाईले गरेपछि फोन नउठाउने त कुरै हुदैन । त्यसैले उसले सम्पर्क गर्नुपर्छ भन्ने मानसिकताबाट हटेर मैले गर्दा अझ राम्रो भन्ने भावना राख्नु पर्छ । समय मिले च्याट गर्ने या म्यासेज गरिरहनु पर्छ । यसले तपाईको सम्बन्धलाइृ साच्चि मधुर र सदा राम्रो बनाउन सहयोग गर्नेछ ।

५.आजै हो भन्ने नसोच्नेः कतिपयले भन्ने गरेको सुनिन्छ, ‘बल्ल माईत गई ।’ कहिले माईत जाली र मैले मोज, मस्ती गर्न पाउँला । यस्ता भावना राख्नु गलत हो । तपाई उहाँसँग सयौँ जुनी जीउने कसम खाएर वैवाहीक जीवनमा बाँधिनुभएको छ । त्यसैले सम्बन्ध राम्रो बनाउनु तपाईको महत्वपूर्ण भूमिका हुने गर्छ । यस समयमा तपाईले आफ्नो सम्बन्ध विग्रने खालका त्यस्ता कुनै पनि गलत काम गर्नु हुदैन । आफ्नो भविष्य र परिवारलाई हरपल सम्झनु पर्छ तपाईले । आजै त हो भनेर आज गरेको कुनै कामले तपाईको सम्बन्ध विग्रने अवस्था आउनु हुदैन ।

सुन्दै अनौठो तथा अपत्यारिलो लाग्ने एक समाचार अनुसार दक्षिण अमेरिकी देश चिलीकी एक वयोवृद्धा महिलाको पेटभित्र ५० वर्ष पुरानो ‘बच्चा’ फेला परेको छ । ९२ वर्षकी ती महिलाको पेटमा झण्डै दुइकिलो तौलको भ्रुण फेला परेको हो । त्यो बच्चा ५० वर्ष पुरानो रहेको डाक्टरहरुले बताएका छन् ।
चिलीको सान एन्टोनियो सहरस्थित एक अस्पतालमा डाक्टरहरुले ती महिलाको एक्सरे रिपोर्ट हेरेपछि पेटभित्र भ्रुण रहेको यस्तो तथ्य पत्ता लगाए ।
गर्भ रहेपनि राम्रोसँग भ्रुणको विकाश हुन नसकेको र सो भ्रुण तुहिनु वा जन्मिनुको साटो पाठघेर बाहिर रहेपछि क्याल्सियमको कडा पत्रले छोपेपछि यस्तो अवस्था हुने डाक्टरहरुले बताएका छन् । त्यस्तो प्रक्रियालाई चिकित्सा भाषामा लिथोपेडियन अर्थात् स्टोन बेबी भनिन्छ । त्यसक्रममा पाठेघर भन्दा बाहिर विकशित भएको भ्रुण जन्मिन सक्दैन र त्यो अन्ततः क्याल्सियमको कडा पत्रले घेरिएर डल्लो बन्दछ । त्यसलाई ढुंगे बच्चा भन्न सकिन्छ ।
चिकित्सा इतिहासमा विश्वमा अहिलेसम्म ३ सय वटा यस्ता घटना फेला पारिएको छ । ती महिलाको उपचार गर्ने अस्पतालका डाक्टर मार्को भर्गास लाजोले घटनालाई असाधारण दुर्लभ घटना भनेका छन् । भ्रुण निकै विकशित तथा ठूलो आकारको रहेको र त्यसले महिलाको भुँडीक्षेत्र अर्थात् एब्डोमिनल क्याभिटीको अधिकांस भाग ओगटेर रहेको डाक्टरहरुको भनाइ छ ।
aaa (1)
महिलाको उमेर निकै पाको रहेको र त्यस उमेरकी महिलामा शल्यक्रिया गर्नु जोखिमपूर्ण हुने हुँदा उक्त भ्रुणलाई महिलाको पेटभित्रै जस्ताको तस्तै छाडिएको छ । त्यसैले अस्पतालले उनलाई उपचार विना नै घर पठाएको छ ।
स्मरण रहोस् गएको वर्ष ब्राजिलमा एक ८४ वर्षकी महिलाको पेटभित्र ४४ वर्षको भ्रुण फेला परेको थियो । त्यस्तै सन् २०१३ मा एक ८२ वर्षे वृद्धाको पेटमा पनि यस्तै स्टोन बेबी फेला परेको थियो भने सन् २००९ मा एक ९२ वर्षे चिनिया महिलाको पेटमा ६० वर्षको ढुंगे बच्चा फेला परेको थियो ।
विश्वको चिकित्सा इतिहासमा महिलाको पेटमा ढुंगे बच्चा भेटिएको सबैभन्दा पहिलो घटना भने सन् १५८२ मा भएको थियो । प|mान्सकी ६८ वर्षीया म्याडम कोलोम्ब चट्रीको मृत्युपछि उनको शवको पोष्टमार्टम गर्दा उनको पेटमा २८ वर्ष पुरानो यस्तै भ्रुण फेला परेको थियो ।source onlinekhabar

फेसबुकले प्रोफाइल तस्बिर नभएकाहरुलाई पनि चिन्ने प्रविधि निर्माण गरी परीक्षण शुरु गरेको छ । फेसबुक एकाउन्ट खोलेर तस्बिर नहाल्ने तथा फेक एकाउन्ट खोलेर अरुलाई हैरान पार्नेलाई यसले पहिचान गर्ने सामाजिक सन्जाल फेसबुकले जनाएको छ । उसले फेसियल रिकगनाइजेसन प्रविधिको विकास परी परीक्षण गरेको हो ।

परीक्षण गर्न फेसबुकले तस्बिरमा अनुहार नदेखिएका ४० हजार तस्बिर लिएको थियो ।

नयाँ प्रविधिले ८३ प्रतिशत व्यक्तिलाई  पहिचान गरेको फेसबुकले जनाएको छ । कपाल, लुगा र शारीरिक संरचनाको विश्लेषण गर्दै नयाँ प्रविधिले मान्छे चिन्छ । नयाँ प्रविधि अहिले परीक्षणको चरणमा रहेको फेसबुकले जनाएको ।

असार ०७ , विश्वमा १ अर्ब ४० करोड मानिसले अहिले फेसबुक चलाउँछन् । यति वृहत प्रयोगकर्ताको संजालका कारण फेसबुक विश्वको सबैभन्दा ठूलो सोसल मिडिया साइट बनेको छ र सोही कारण फेसबुकले
विज्ञापनमार्फत ठूलो धनराशी आर्जन समेत गर्दै आएको छ । स्थापनाको ११ वर्षमै फेसबुक अबौँँको कम्पनी बनेको छ र यसका संस्थापक मार्क जुकरबर्ग विश्वका कम उमेरका अर्बपतिमध्ये एक बन्न सफल भएका छन् ।
हार्वर्ड विश्वविद्यालयबाट पढाइ छाडेका (हार्वर्ड ड्रपआउट) जुकरबर्गको वर्तमानको खुद सम्पत्ति ३३ अर्ब ४० करोड डलर रहेकेा छ र उनी विश्वका अर्बपतिको सूचिमा १६ औँ नम्बरमा रहेका छन् ।
आखिर यति सानै उमेरमा विश्वकै टप ट्वान्टी अर्बपतिको सूचिमा पर्न तथा विश्वका सर्वाधिक सफल सिइओ बन्न कसरी सफल भए छ जुकरवर्ग ? उनको जिवनका केही रोचक तथा प्रेरक प्रसँगहरु छन् । जुन यस्ता छन्-
· बुवा दन्तचिकित्सक इडवार्ड र आमा मनोविज्ञ करेनका चार सन्तानमध्ये कान्छा हुन् मार्क जुकरबर्ग। जसको जन्म न्युयोर्कको डब्स फेरीमा भएको थियो । उनी सानैदेखि विलक्षण प्रतिभाका धनी थिए र १२ वर्षको उमेरमै अटारी बेसिकको प्रयोग गरी मेसेजिङ प्रोग्राम जकनेट निर्माण गरेका थिए । बाल्यकालमै उनले आफ्ना साथीहरुका लागि कम्प्युटर गेम बनाइदिएका थिए ।
· न्यु ह्याम्पसाएको चर्चित फिलिप्स एक्जेटर एकेडेमीमा माध्यामिक शिक्षा अध्ययन गर्दागर्दै उनले म्युजिक स्टि्रमिङ प्लेटर्फम निर्माण गरेका थिए । उनले बनाएको त्यो अनलाइन म्युजिक स्टि्रमिङ प्लेटर्फमप्रति माइक्रोसफ्ट तथा अमेरिका अनलाइन लगायतका कम्पनीले चासो देखाएका थिए । किशोरावस्थामा उनले आफुले निर्माण गरेका प्रविधि कसैलाई बेच्न तथा कुनै कम्पनीमा गएर जागिर खान अस्विकार गरे ।
· जुकरबर्ग केवल कम्प्युटरका किरो मात्र थिएनन् । उनले दी ओडिसी महाकाव्य जस्ता क्लालिस कलामात्र होइन खेलकुदमा पनि रुची राख्दथे । उनी आफ्नो स्कुल पढ्दा फेन्सिङ टीमको कप्तान नै थिए ।
· सन् २००२ मा हार्वर्ड विश्वविद्यालयमा पढाइ सुरु गरेलगत्तै उनले सीपालु कम्प्युटर प्रोग्राम निर्माताको रुपमा ख्याति कमाउन थाले । उनले आफ्ना धेरै साथीहरुसँग मिलेर फेसबुक सुरु सरे । पछि फेसबुकमा फुलटाइम खर्चिनका लागि उनले हार्वर्ड विश्वविद्यालयको पढाइ नै छाडे ।
· हार्वर्ड विश्वविद्यालय ड्रप आउट गर्नुअघि उनको भेट भएकेा थियो हालकी श्रीमती प्रिसिला चानसँग । उनीहरुबीच एउटा पार्टीमा भेट भएको थियो । पहिलो डेटिङको रोचक प्रसँगका बारेमा चानले भनेकी छिन्, ‘हाम्रो पहिलो डेटिङमै उसले भनेको थियो की अर्धवाषिर्क परीक्षाको प्रोजेक्ट सकाउनु भन्दा तिमीसँग डेटिङ जान मनपर्छ ।’
· जुकरबर्ग अल्लारे उमेरमै रहँदा जुकरबर्गले फेसबुकमा महत्वपूर्ण साझेदार भित्राए र थप लगानीकर्तामार्फत १ करोड २७ लाख डलर रकम उठाउन सफल भए । सन् २०१० मा उनलाई टाइम म्यागेजिनले विश्व वर्षव्यक्ति घोषणा गर्यो ।
· प्रविधि जगतका कममात्रै सिइओहरुलाई ठूलो पर्दाको फिल्मी दुनियामा अजर अमर बन्ने सौभाग्य प्राप्त हुन्छ । जुकरबर्ग त्यसमध्येका एक हुन् । दी सोसल नेटवर्क नामक हलिउड फिल्म जुकरबर्ग र फेसबुककै कथामा आधारित छ । यो फिल्मले विभिन्न ८ विधामा एकेडेमी अवार्ड प्राप्त गर्यो । तथापि जुकरबर्गले यो फिल्मका कतिपय तथ्यहरु गलत रहेको अडान छाडेनन् ।
· दी सोसल नेटवर्क फिल्मको कथा आरोन सर्किनले लेखेका हुन् । भलै जुकरबर्गलाई यो चलचित्र मन नपर्ला तथा आरोनको बहुचर्चित टेलिभिजन शो दी वेष्ट विंगका सबैभन्दा ठूला फ्यानमध्ये जुकरबर्ग पनि एक हुन् ।
· जुकरबर्गले सन् २०१२ को मे १८ मा फेसबुक कम्पनीलाई सार्वजनिक कम्पनीको रुपमा ल्याए । शेयर बजारमा आएकै दिन फेसबुकको शेयर मूल्य आकाशियो । कम्पनीले शेयरधनीबाट १६ अर्ब डलर उठाउन सफल भयो । यो प्रविधि कम्पनीको इतिहासमा सबैभन्दा ठूलो आइपिओ थियो । अलिबाबा कम्पनीले गतवर्ष मात्र फेसबुकको यो इतिहास तोडेको थियो ।
· फेसबुकले उचाइ लिइरहँदा चान र जुकरबर्ग अफेयरमै रमाइरहे । फेसबुक सार्वजनिक कम्पनीको रुपमा गएको अर्को दिनमात्रै यी दुइले विवाह गरे । तर उनीहरुको विवाह सुटुक्क भयो भन्दा पनि हुन्छ । धेरैको अपेक्षा भन्दा विपरित निकै सामान्य खालको विवाह भयो । पालो अल्टोस्थित घरमा विवाह सम्पन्न भयो । निकै कममात्र पाहुना उपस्थित थिए र त्यो विवाह जस्तो पनि लाग्दैनथ्यो । चानले माध्यामिक विद्यालय उत्तीर्ण गर्दा ताकाको सामान्य पार्टी पो हो की जस्तो लाग्थ्यो त्यो विवाह समारोह ।
· विवाह समारोहमा ग्री डेका बिली जोए आर्मस्ट्रङले प्रस्तुती दि एभने बेहुली प्रिसिलाको लागि जुकरबर्गले आफै औँठीको डिजाइन गरेका थिए ।
· उनीहरुले आफ्नै निजि हवाइजहाजमा इटालीमा गएर हनिमुन मनाए । पाँचतारे होटेल पोट्रेट सुइट्समा बसे, जहाँ एक रात बसाइको प्रतिकोठाको शुल्क ८ सय युरो थियो । पापाराजीहरुले त्यहाँपनि छाडेनन् त्यो जोडीलाई । अनि म्याकडोनाल्ड खाइरहेको अवस्थामा फेला पारेर क्लिक गरिहाले ।
· जुकरबर्ग दम्पती हरेक वर्षको डिसेम्बरमा छुट्टी मनाउन दुइ हप्ताजति बाहिर जाने गरेको छ र कहिलेकाहीँ चानको परिवारलाई भेट्न चीन समेत आउने गरेका छन् ।
· जुकरबर्गले चिनिया भाषा पनि सिकेका छन् । उनको मन्दारिन भाषा अब्बल बन्दै गएको छ । उनले सन् २०१४ मा झण्डै आधा घण्टाको प्रश्नोत्तर सत्र मन्दारिन भाषामै चलाएका थिए ।
· जुकरबर्ग र चानले घरमा बिस्ट नामको हंगेरियन कुकुर पालेका छन् । यो कुकुरको आफ्नै फेसबुक पेज छ ।
· बेलाबखतमा फेसबुकको शेयर बेचेरै जुकरबर्गलाई मनग्गे पैसा आउँछ, त्यसैले उनलाई तलब चाहिँदैन । जुकरबर्गले वर्षको १ डलर तलब थाप्छन् । तर उनको निजी चाटर्ड जहाजका लागि मात्र सन् २०१४ मा ६ लाख १० हजार डलर भन्दा बढि खर्च भएको थियो ।
· विश्वका १६ औँ ठूला अर्वपति भएपनि जुकरबर्ग कन्जुस छन् भन्ने आरोप लाग्छ । अर्थात् उनले फजुल खर्च गर्दैनन् । टेलर विन्कलेभोसले एक अन्तरवार्तामा भनेका छन्, ‘मैले जिवनमा देखेका मध्ये उनी सबैभन्दा गरीब धनीमान्छे हुन् ।’
· पोषाकमा खासै चुजी छैनन् जुकरबर्ग । उनले कुनै डिजाइनर सुट लगाउदैनन् । प्रायः हुड वा खैरो टिसर्टमा देखा पर्छन् ।
· जुकरबर्गको कालो भक्सवागन जिटिआइ कार छ । जसको मूल्य ३० हजार डलर भन्दा बढि पर्दछ ।
· जुकरबर्गले आफ्नो गोपनीयता तथा एकान्तबासका लागि भने खर्चिन्छन् । सन् २०१४ को अक्टोबरमा उनले हवाइको काउइ टापुमा ७५० एक्कड जमिन १० करोड डलरमा किनेका छन् । त्यहाँ उनले आफ्नो निजी आवास बनाउने योजना बनाएका छन् ।
· पालो अल्टोमा उनको ५ हजार वर्गफुटमा फैलिएको निजी घर छ । जसलाई उनले साढे ४ करोड डलरमा किनेका हुन् ।
· उनले सनफ्रान्सिस्कोमा पनि १ करोड डलरमा बंगला किनेका छन् र सो घरको सिंगारपटार तथा थपथापका लागि १० लाख डलर थप खर्चिएका छन् । सनफ्रान्सिस्कोका आफ्नो घरको मर्मत गर्ने क्रममा उनले कामदारहरुलाई घरको कार पार्किङमा कारभित्रै रातमा सुत्न बाध्य पारे ।
· जुकरबर्ग दानी पनि छन् । उनले सिलिकन भ्याली कम्युनिटी फाउन्डेसनलाई ९९ करोड २० लाख दान गरेका छन् । त्यस्तै सनफ्रान्सिस्को जनरल अस्पताललाई साढे ७ करोड आर्थिक सहयोग प्रदान गरेका छन् ।
· जुकरबर्गले फेसबुकको पैसा पनि निकै खर्च गरिदिन्छन्, तर उत्पादनमूलक कामका लागि । जुकरबर्ग फेसबुकको हाकिम हुँदा नै इन्टाग्राम खरीद गर्न १ अर्ब डलर, वाट्सएप खरीद गर्न १९ अर्ब डलर तथा ओकुलस खरीद गर्न २ अर्ब डलर खर्चिइसकेका छन् । तर ३ अर्ब डलरमा स्नापच्याट किन्ने उनको धोको भने पूरा हुन पाएन ।
· जुकरबर्गले प्रविधि उद्योगका समकक्षीहरुसँग मात्र होइन अन्य क्षेत्रका विशेष व्यक्तिसँग पनि भेट गर्दछन् । उनले प्रायः भेट्ने मध्येकी एक हुन् ब्राजिलकी राष्ट्रपति डिल्मा रुसेफ । र्यापर स्नूप डग तथा व्यवसायी सीन पार्कर मात्र होइन राष्ट्रपति बाराक ओबामासँग पनि उनको भेट हुने गरेको छ ।
· सिंगापुरका एक कलाकार झु जियाले एउटा कला प्रदर्शनी उनकै नाममा समर्पित गरे र त्यसको नाम दिए दी फेस अफ फेसबुक ।
· यो वर्षको सुरुमा न्युयोर्कका एकजना कलाकारले दिसाको प्रयोग गरी जुकरबर्गको चित्र बनाए ।
· जुकरबर्ग विश्वका सबैभन्दा कम उमेरमा अर्बपति हुनेमध्येका एक हुन् । उनी आफुलाई भुइँमान्छे ठान्छन् । तर उनमा धनाढ्यमा जस्तो रवाफ छैन र निकै सामान्य जिवनशैली जिउँछन् । उनले नियमित रुपमा प्रश्नोत्तर सत्र चलाउँछन् जसलाई उनले टाउनहल नाम दिएका छन् । त्यसक्रममा उनले विश्वभरका सर्वसाधारणसँग कुराकानी तथा प्रश्नोत्तर गर्दछन्, भलाकुसारी गर्दछन् । अनलाइन खबरबाट

महिलाहरु भगवानको सुन्दर उपहार हुन् र संसारको जुनसुकै कुनामा बसेपनि राम्रा रहिरहन्छन् । यद्यपी, कुनै देशका महिलाहरुले सुन्दरताको सिमाना पार गरि परिको रुप धारण गरेका हुन्छन् । यति भनिसक्दा यस्ता महिलाहरु कहाँ पाइन्छ भनेर सोचिरहनुभएको छ भने यहाँ दिइएको सूची हेर्न सक्नुहुन्छः
१. युक्रेनः
व्यवसायमा चर्चित युक्रेन राम्री महिला पाइने देशको रुपमा स्थापित भएको छ । देशको राजधानी, किभ, ओडिसा र ब्ल्याक सि कोष्टमा राम्री महिला रहेका हुन्छन् ।


२. स्विडेनः
स्विडेन संसारभरिकै सबैभन्दा राम्रो पुरुष र महिला पाइने देशको रुपमा परिचित छ । हाउजिङ बिजनेसका लागि चर्चित स्विडेनमा रहेको राम्रो ठाउँलाई संसारसामू परिचित गराउनका लागि राम्रा महिला र पुरुषहरुलाई परिचालन गरिरहेको थियो ।
यो देशमा पाइने महिलाहरु साँच्चै नै राम्रा हुन्छन् । अग्ला र पातला, गोरा र निलो आँखा, स्मार्ट र फ्रेन्डली र शिक्षित–यस्ता छन् स्विडेनका महिलाहरु । सुन्दरता र वौदिकताको सबैभन्दा राम्रो उदाहरण स्विडेनका महिला नै हुन भन्दा फरक नपर्ला ।


३. थाइल्याण्डः
थाइल्याण्ड आफ्नो प्रकृति, संस्कृति र अतिथी सत्कारका लागि परिचित होला । यसका साथै यो देश राम्री र लजालु स्वभावका महिलाका लागि चर्चित छ । यहाँका महिलाहरु परिचित भएपछि उनीहरु निकै खुल्ला र रोमान्टिक हुन्छन् । अलि गाढा वर्णका उनीहरु निकै राम्रा मानिन्छन् ।


४. बुल्गेरियाः
बुल्गेरियाका महिलाहरु पनि अपवाद होइनन् । संसारभरिका सबैभन्दा राम्रो महिलाको सूचिमा बुल्गेरियाका महिलाहरु पनि समावेश छन् । अग्ला, राम्रो छाला, चम्किलो आँखा, कालो कपाल भएका बुल्गेरियाका सुन्दरीहरु निकै आत्मिय र रोमान्टिक स्वभावका हुन्छन् ।


५. रसियाः
रसिया निकै राम्रा महिलाहरुको घर मानिन्छ । गोरो वर्ण, निलो आँखा, खैरो कपाल, अग्ला र अत्यधिक वौद्धिक हुन्छन् । सर्बियादेखि मस्कोसम्मको ४००० माइलमा यी राम्रा महिलाहरु भेटिन्छन् ।


६ नेदरल्याण्डः
डच महिलाहरु आफ्नो आत्मिय व्यवहारका लागि चर्चित छन् । यद्यपी नेदरल्याण्ड अग्ला र राम्रा महिलाहरुको लागि पनि चर्चित छन् । यहाँ अग्ला भन्नाले निकै अग्लो हो । नेदरल्याण्डका महिलाहरुको औसत उचाई ५ फिट ८ इन्च हुन्छ ।


७. लेबननः
लेबनन निकै पातला, सुगठित शरिर भएका महिलाहरुको लागि चर्चित रहेको छ । उनीहरुको निकै राम्रो आँखाले पनि थुपै्रको मन जित्न सफल भएको हुन्छ ।


८. ब्राजिलः
ब्राजिलका सुन्दरीहरु संसारमाझ परिचित छन् । निकै राम्रो शरिरभएका उनीहरु राम्रा गुणका खानी हुन्छन् । ब्राजिलमा घुम्न जाने महिलाहरु निकै सेक्सी र कालो वर्णका हुन्छन् । ब्राजिलका मोडलहरु आफ्नो जादु छर्नका लागि लगभग सबैजसो ठाउँमा रहेका हुन्छन् ।


९. इटालीः
इटालीले संसारलाई फेसेनको विभिन्न ब्रान्ड उपहार स्वरुप दिएको छ । इटालियन मोडलहरु संसारमाझ निकै हट मोडलको रुपमा परिचित छन् । यी महिलाहरुलाई ‘बेल्ला’ भनिन्छ र उनीहरु निकै आकर्षक हुन्छन् । इटालीलाई फेसन हवको रुपमा लिइने भएका कारण यहाँका महिलाहरुमा प्रचुर मात्रामा फेसन सेन्स रहेको हुन्छ जसले उनीहरुको सुन्दरतालाई अझ निखार्न सहयोग गरेको हुन्छ ।


१०. दक्षिण कोरियाः
राम्रो र चम्किलो अनुहार, सलक्क परेको कपाल, प्यारा विशेषताका कारण कोरियन महिलाहरु निकै राम्रा र सेक्सी हुन्छन् । यसका साथै उनीहरुको फेसन सेन्सले पनि उनीहरुलाई अझ राम्री बनाउन सहयोग गरेको हुन्छ ।
स्रोतः drprem.com

आफ्नो प्रेमिकाले धोका दिएपछि एक प्रेमीले यस्तो कृत्य गरे की सुन्दा पनि अनौठो लाग्छ । गर्लफ्रेण्डले धोका दिएर गएपछि ती व्यक्तिले आफ्नी धोकेबाज प्रेमिकालाई सबै चिज आधा मात्र फिर्ता गर्ने निधो गरे जो उनीहरुले पहिले मिलेर किनेका थिए ।
ती जर्मन युवकले आफ्नी भुपु प्रेमिकासँग मिलेर किनेका सबै सामानहरु आफुले नै राख्न चाहेनन्, न त सबै उनलाई फिर्ता गर्न चाहे । उनले भुपु प्रेमिकालाई सँगोलमा किनेका सामानहरुको आधा हिस्सा मात्र दिने फैसला गरे ।
त्यसपछि उनले सँगोलमा किनेका सामानहरु आधा-आधा गर्न सुरु गरे । यसका लागि उनले आफ्नो घरमा रहेका टिभी, आइफोन, ल्यापटप मात्र होइन कार समेत आराले काटेर आधा आधा बनाए । त्यसपछि सबै सामानको आधा भाग हुलाकमार्फत भुपु प्रेमिकाको घरमा पठाइदिए ।
half
आधा सामान धोकेबाज प्रेमिकालाई पठाएपछि आफ्नो घरमा बँचेका सबै आधा-आधा सामानलाई उनले अनलाइन खरीदबिक्री साइट इबेमा राखिदिए । त्यसका साथै उनले आफ्नी भुपु प्रेमिकाप्रति समर्पित गर्दै एउटा भिडियो यु ट्युबमा अपलोड पनि गरे जसमा उनले आफ्ना सरसामानहरु आधा आधा बनाउन काटिरहेका थिए । भिडियोमा क्याप्सन दिइएको छ ‘सुन्दर १२ वर्षका लागि तिमीलाई धन्यवाद, लाउरा । तिमीले साँच्चीकै आधा कमाएकी हौ ।’
इ बे मा बिक्रिमा राखिएका उनका सामानमध्ये अधिकांसको मूल्य १ डलर राखिएको छ । तर एप्पल म्याकबुकको आधा भागको मूल्य भने ९.५ युरो तोकिएको छ ।
)source taja-onlinesamachar

चितवन मूलघर भइ काठमाडौंमा बसोबास गर्ने सौगात देवकोटा, सौजन देवकोटा र सौरज देवकोटाले केही दिनअघि मात्रै एमबिबिएस परीक्षा पूरा गरेका हुन् । काठमाडौंस्थित त्रिवि शिक्षण अस्पतालमा २०४८ साल असोज ५ गते उनीहरुको जन्म भएको हो ।
जेठा सौगात जन्मेको ३ मिनेटपछि माइला सौजन र त्यसको ५ मिनेटपटि कान्छा सौरज जन्मेको उनीहरुकी आमा सकुन्तला देवकोटाले बताइन् । नेपाल मेडिकल कलेज अत्तरखेलबाट एमबिबिएस पूरा गरेका उनीहरुको सर्जन बन्ने लक्ष्य छ । सानोमा तीन दाजुभाईका फरक रुची भएपनि एसएलसीपछि एउटै विषय लिएर पढेका हुन् । उनीहरुमध्ये जेठा सौगात पाइलट, माइला सौजन एरोनोटिकल इञ्जिनीयर र कान्छा सौरज डाक्टर बन्न चाहन्थे ।
केही वर्षअघि माधवकुमार नेपाल प्रधानमन्त्री भएको बेला रक्तश्राव भएर जीवन मरणको दोसाँधमा पुगेकी एक महिलालाई उनले उद्धार गरेको घटनाले तिनै जनालाई डाक्टर बन्न प्रेरित गरेको हो । उनीहरु भन्छन्, ‘हामीलाई केही गर्नकै लागि जन्माइएको हो, कर्णालीमा पुगेर सेवा दिन चाहन्छौं ।’ उनका बुबा शिवप्रसाद देवकोटाको पनि सोही चाहना छ । भन्छन्, ‘मैले पैसा रिटर्न गरुन् भनेर पढाएको होइन, सेवा गरुन् भन्ने चाहना छ । विदेश पलायन हुन दिन्नँ ।’ धेरै कुरामा समानता भएका उनीहरुको पढाइमा पनि खाशै अन्तर छैन । तर, एसएलसीसम्म कान्छा, प्लस टू मा माइला र एमबिबिएसमा जेठा थोरै नम्बरले अगाडि छन् ।स्वास्थ्यखबर डट कम बाट ।

काठमाडौं । संसारमा यस्ता कैयौ मानव छन्, जसको जन्मने वित्तिकै कुनै न कुनै रोगबाट ग्रसित हुन्छ्, जसका कारण उसले असाधारण रूपमा जन्म लिन्छ ।
यस्ता अजिब खालमा बच्चा जन्मिदा समाज र परिवारले नै अस्वीकार गर्छन् । यस्तो आश्चर्यचकित घटना एकपटक फेरि मुम्बईमा सार्वजनिक भएको छ, जहाँ जन्मेको २ हप्तामै एक बालिकालाई अनौठो किसिमको रोग लागेको छ ।

यी बालिकाको छाला च्युरिएको वृद्ध महिला जस्तो छ । यीनको शरीर भरी चाउरिएको छ र यीनी धेरै पतली छिन् । आमा बुबाले यी बालिकालाई अपनाउन अस्वीरका गरेका छन् ।
बालिकाकी आमा ममता डोडेले त यीनलाई आफ्नो दूध समेत पिउन दिईनन् । ती बालिकाको अहिले सरकारी अस्पतालमा उपचार भइरहेको छ । बच्चाले आमाको दूध खानुपर्ने भएपनि डाक्टरले बाहिरको दुध ल्याएर खुवाएका छन् । एजेन्सी
dainiknepal.com